ISANG pangyayari noon sa Dakoroso ang bumalik sa alaala ni Hikin nang makita niya ang lalaking may taglay ng itim na aura sa itaas. May isang kaganapan noon sa siyudad ang gumising bigla sa marami nang ang mga malalakas nilang mandirigma ay pinaslang ng isang nilalang nang hindi nila namamalayan.
Nakatayo na noon sa itaas ng isang mataas na gusali ang lalaking gumawa noon at may pakpak itong itim sa kanyang likod. Nanlilisik ang mga pula nitong mga mata habang nababalot sa dugo ang magkabilang mga braso. Nasa gitna noon sila ng isang krisis laban kay Seb at hindi nila inaasahang magpapadala ito ng isang kalabang hindi nila nalaman na isa pala niyang alagad.
Si Xevi ay ang kanang-kamay ng heneral ng Dakoroso noon na si Oger. Nang gabi ring iyon nila nalaman na ito pala ay isang taks
