Dumaan ang ilang araw at ilang linggo ay hindi pa rin umuuwi ang Senyorito. Si Manang Janet ang umastang parang may-ari ng buong mansyon ay siya ang nag-utos sa amin ng kung ano-ano. Wala akong ibang magawa kundi sumunod. Matamlay ang buo kong katawan sa bawat araw na lumilipas at pilitin ko mang maging masigla ay hindi ko talaga magawa.
"Ayusin niyo ang paglilinis. Saka ikaw, Feigh, dalhan mo ako ng juice dito, ngayon na," striktang utos ni Manang Janet habang siya ay komportableng nakaupo sa couch at halos humiga na.
"Opo," sabi ko saka mabilis na sinunod ang utos niya.
Lahat kami ang abala sa paglilinis ng mga sahig kahit wala namang dumi kasi pinakuskos ni Manang Janet ang bawat sulok. Sobrang kintab na ng mga tiles pero hindi pa siya kunteto kaya halos mamatay na kami sa pagod pero
