TOYANG: The Housemaid

* * * "Toyang: The Housemaid #Teaser" * * * Iniwan ng mag-asawang Benjie at Joana Garcia ang kanilang anak na isang taong gulang sa katulong na si Toyang. Alas-singko ng hapon ng nilisan ng mag-asawa ang kanilang bahay para bumili ng kuna. Habang namimili ng kuna ang mag-asawa, biglang tumawag si Toyang para magpaalam na aalis na siya at uuwi na sa probinsya. Kaya nagpasya ang mag-asawa na umuwi na ng bahay dahil iiwan daw ni Toyang ang bata ng walang kasama. At sa kanilang pag-uwi... "PAULEEEEEEEEEEEN!" Sigaw ni Joana. Nakita nilang naliligo sa sariling dugo ang kanilang anak. Butas ang kaliwang dibdib at nawawala ang puso nito. At ang higit na nagpakaba sa mag-asawa--ang sunod-sunod na pagkalabog sa ikalawang palapag ng kanilang bahay. Umakyat si Benjie para tignan kung ano ang kumakalabog sa taas. Iniwan niyang naghihinagpis ang asawa habang yakap-yakap ang kanilang anak na si Pauleen. At sa pag-akyat ni Benjie ay biglang nawala ang malakas na kalabog na umalingawngaw sa ikalawang palapag ng bahay nila. Pagbaba niya... "JOANAAAAAAAAA!" Nabanaag niyang nakabigti ang asawa sa kusina habang nakalugmok naman sa lamesa ang duguang katawan ni Pauleen. Dahan-dahan siyang naglakad palapit sa kusina. Tatlong hakbang na lang sana... nang biglang bumagsak sa kanya ang kabinet na pinaglalagyan nila ng mga antigong gamit sa kusina tulad ng pinggan, platito, kutsara't tinidor. At sa likod ng kabinet nagtatago ang katulong na si Toyang. "Masyado kayong maiingay! Pati ang anak mo iyak ng iyak! Nakakarindi! Ang iingay niyo! Dapat sa inyo pinapakain sa mga gutom na aso!" Galit na bulyaw ni Toyang habang nakatingin sa naghihingalong amo na si Benjie. Nagagalak na pumasok si Toyang sa kanyang kwarto dahil sa matagumpay niyang plano. Ayaw niyang naaantala ang kanyang tulog. Kaya ang ginagawa niya ay pinapatahimik niya ang mga among maiingay--lalo na sa gabi. At pagkatapos, hiniwa ang mga parte ng katawan ng mag-asawa at kanilang sanggol na anak saka kinuha ang mga laman-loob at ipapakain sa alagang aso na naglalaway na sa gutom. Sadyang malupit ang magiging tadhana ng mga tao at pamilyang tatanggap kay Toyang! * * *