MALAKAS na tinuhod ni ToV ang huli niyang kalaban sa sikmura nito at binuhat bago malakas na ibinagsak sa center table na nawasak, napaiktad sa sakit ang lalaking huli niyang pinatumba na nahihirapan ng makakilos dahil sa masamang pagkakabagsak nito sa center table. Lahat ng tauhan ni Gustavo ay kung hindi walang malay ay namimilit sa sakit ng pagkabali ng ilang parte ng kanilang katawan.
Binalingan muna ni ToV ng tingin lahat ng pinabagsak niya na nakasalampak sa sahig bago niya pinagpagan ang kaniyang sarili at pinunasan ang gilid ng labi niyang na tsambahang masuntok ng isa sa mga nakalaban niya. Marami-rami din ang nasira niya sa lobby palang ng Inn, may ilang vase siyang binasag sa mga ulunan ng mga nakalaban niya, mga bangko na nasira at lamesang nawasak. Masasabing parang dinaanan
