Chapter 17
“Master, na-miss ko talaga kayo” ang kapit parin nya sa braso ni Demon habang palabas na kami ng classroom.
Matapos nga nyang magpakilala sa klase ay hindi na nya binitiwan pa si Demon. Pinili pa nyang maupo sa tabi ni Demon habang nakakapit sa braso nya sa buong klase. Samantalang itong demonyong bampira naman na ito ay nanatiling walang imik habang hinahayaan nya lang na nakahawak si Scarlet sa braso nya. At hindi ko alam kung bakit naiirita ako ngayon.
Pero bakit ganun?
Bakit hindi sya nagagalit kay Scarlet?
Umubo nalang ako habang nakasunod parin sa kanila para lang makuha ang atensyon nilang dalawa.
Pero si Scarlet lang ang lumingon sa akin at ngumiti ng sobrang tamis.
“Wow ate! Dito ka rin pala nag-aaral?!” she excitedly exclaimed.
“Ah, oo” ang tipid kong sagot.
