Pinagmasdan ni Oly ang kabuuan ng Blue Empire Building mula sa bintana ng SUV ni Kade. Talaga ngang mas malaki ito kaysa sa pagmamay-ari ng mga Cuevas, bukod sa mas maluwang ang nasasakupang lupa ay mas mataas din ito at mas maraming tao ang labas pasok sa harapan ng gusali.
Kabang-kaba na siya sa kung paano ang gagawin niya. Hindi siya makapaniwala sa nangyayari ngayon. Sa isip ni Oly ay gusto niyang sampalin ang sarili para magising sa katotohanan. Natauhan lang siya nang hawakan ni Kade ang kanyang kamay. Tinignan niya ito at nginitian ang binata.
"Ang lamig ng kamay mo. Kinakabahan ka ba?"
"Hindi ko dapat nararamdaman 'to since sa accounting department pa lang ako mapupunta pero.." Huminto si Oly, yumuko siya sandali bago muling tingnan si Kade nang nakangiti ngunit bakas ang tensyo
