Abalang namimili si Oly ng mga pampaganda. Sinama niya si Herl na nag-absent para lang makagala. Sinabi nito sa office na gagamitin na ang sick leave dahil may lagnat siya at ubo. Napapailing na lang si Oly dahil baka mahuli si Herl ng ibang katrabaho.
"Ito kaya? Sikat 'to ngayon."
"Mahal 'yan, Herl. Doon lang ako sa mumurahin."
"Mumurahin nga pero mumurahin mo rin kapag nasira 'yang mukha mo."
"Pero hindi ko kayang bumili ng ganyan kamahal. Mauubos 'tong natitira kong pera."
"Eh, paanong gagawin mo? Kung kailan kasi wala ka ng trabaho saka ka magpapaganda. Baliktad ka rin."
"Hindi ka ba nunuod ng TV? Nakita mo ba kung gaano kaganda do'n si Fiona?"
"So, napanuod mo pala," ani Herl sa kakaibang tono kaya napatingin si Oly. "Hindi ko 'yon masabi sa'yo kasi baka masaktan ka at bumulagt
