Hindi siya mapalagay sa katahimikang ginagawa ni Kade. Kanina pa sila nasa byahe pero hanggang ngayon ay hindi pa rin ito kumikibo. Mabigat na ang loob ni Oly. Naiisip niya tuloy na napipilitan lang ngayon si Kade dahil buntis siya. Tapos tinakot niya pa 'to kanina. Bakit kasi naisipan niyang sabihin ang lahat ng 'yon sa binata? Parang siya pa 'tong nagmamalaki.
Nang makarating sila sa bahay ni Kade, tahimik niyang sinundan lang ito papasok ng pinto. Dala ni Kade ang lahat ng gamit niya, nakasukbit ang backpack sa likod at bitbit naman nito sa magkabilang kamay ang dalawang maleta.
"Kade, galit ka ba?" hindi na mapigilang tanong ni Oly.
"Why would I?" Tumaas ang kilay nito habang hinaharap siya.
"Wala lang, feeling ko kasi galit ka. Kanina ka pa hindi kumikibo."
"Magpahinga ka na sa
