"Oly, sure kang magpapaiwan dito? Madilim na," nag-aalalang sabi ni Herl, tumitingin siya sa paligid dahil madilim na at hindi pa naman nila kabisado ang lugar.
"Oo, okay lang ako," mapilit na sagot ni Oly.
Kasali kasi si Herl sa treasure hunt, bilang leader ng isang grupo kaya wala siyang magawa sa desisyon ni Oly. Ayaw kasi nitong sumama kahit na anong pilit niya.
Para kay Oly, magseselos lang siya kina Kade at Harlene na naging magkagrupo. Kung bakit kasi ang landi ng babaeng 'yon? Akala mo pilay na hindi makalakad. Laging nakakapit kay Kade at ito namang isa ay lagi lang nakasangayon. Parang hindi na siya ang Kade na nakilala ng lahat. Lalaking sobrang sungit sa lahat ng babae.
Nang makaalis ang lahat, nanahimik si Oly sa gilid ng beach. Kahit malamig, umupo siya sa buhangin haban
