"Ang sexy mo naman." Pabirong pinalo ni Herl ang pwetan ni Oly saka ito tinawanan nang tingnan siya nito nang masama. "Halatang inaakit mo si Sir Kade," dugtong pa ni Herl na nagpairap na sa mga mata ni Oly.
"Ang ingay mo," reklamo niya.
"Ano naman? Lahat naman dito 'yon ang goal, ang maakit ang gwapong CEO ng company. Kaya galingan mo kasi marami kang kaagaw."
Hindi na siya pinansin ni Oly. Kanina pa masaya ang dalaga dahil sa kakaibang feeling na nadarama niya ngayong araw. Puno ng excitement ang puso niya lalo na't ang dami niyang nakikitang bago lang sa paningin niya.
Kanina niya pa sinusundan ng tingin ang dalawang bata na nagtatakbuhan sa gilid ng beach. May aso silang kasama na talagang kinagigiliwan ni Oly.
Ngayon lang naranasan ni Oly na magsaya nang walang iniintindi na gas
