"Kade, pwede bang tumigil ka na kakasunod sa akin? Hindi na nakakatuwa." Huminto si Oly sa paglalakad at gano'n din si Kade. Humarap ang dalaga sa kanya na mainit na ang ulo. "Bakit ba kasi ayaw mo kong tigilan?"
"Bakit ba ang sungit mo na sa akin? Gusto lang naman kitang ayaing kumain."
"Nakikita mo ba 'to?" Tinaas ni Oly ang take out ng cafeteria kanina. "Pwede na 'to sa akin."
Bumuntong hininga si Kade. Bigla siyang tumalikod sa hindi malamang dahilan ni Oly. At saka lumakad habang nagkakamot ng ulo.
Bumalik naman sa paglakad ang dalaga. Tinitignan niya ang mga ulam na bigay din sa kanya ni Kade kanina. Saka siya sumulyap sandali kay Kade na nasa malayo na. Alam niyang nagmumukha siyang pabebe sa ginagawa. Pero kung ito lang ang pwedeng maging solusyon para bumalik sa dati si Kade a
