DAHIL napuntahan na ni Timothy ang lahat nang maaring puntahan ng kapatid niya ngunit wala ito ay napagdesisyonan niyang magtungo na lamang sa RTC kung saan ito nagtatrabaho.
"Ay sorry, Boss pero nakauwi na si attorney Dela Rosa ah. Hindi mo ba nakasalubong?" patanong na sagot ng guwardiyang napagtanungan niya.
"Ah, ganoon po ba? Sige po salamat baka nasa bahay na. Sige po mauna na po ako," sagot na lamang niya.
Hindi na rin niya hinintay na makasagot ito. Sa isipan niya ay baka nag-overtime lang ito at may tinapos kaya't hindi sumagot sa sangkatutak nilang tawag. Bubuhayin na sana niya ang makina ng sasakyan niya nang tumunog ang cellphone niya. Sa pag-aakalang ang kapatid niya ang nasa kabilang linya ay niya itong sinagot.
"Hello, Rizza, where have you been? Bakit ngayon ka lang tum
