Chapter 22
Adelia
Kasalukuyan nasa bahay ako nila Tita Mary Ann. Sumama ako kay Eunice. "Dito ka na mananghalian, Adelia!" sabi sa akin ni Tita Mary Ann.
"Sige po, Tita. Tamang-tama at hindi pa ako nakapagluto," tugon ko.
Si Tito Cardo, ang nagluluto ngayon. Kasama niya si Alexander. Para naglalaga sila ng karne. Buhat-buhat ko ngayon ang anak ni Eunice na lalaki. Habang buhat-buhat naman ni Eunice, ang anak ni Bianca.
"Ang pogi talaga nitong inaanak ko," natutuwa kong sabi at hinalik-halikan ang bata sa pisngi. Nakakagigil kasi ito dahil ang taba.
"Ikaw kasi, eh 'di sana may kalaro ang mga bata," sabi ni Eunice.
Pinandilatan ko siya ng aking mga mata. Baka kasi makalimutan niya at mabanggit niya ang tungkol sa kambal na ipinanganak ko. Nariyan pa naman si Tita, nagliligpit ng
