Choices Part One
"MASAMA pa din ba ang loob mo sa akin?"
Napatigil ako sa paglalagay ng damit sa cabinet at nilingon si Alas.
Nasa mga mata niyang nakokonsensya pa rin siya sa ginawa niyang pagsigaw sa akin kanina.
Bumuntonghininga ako at basta na lang isinalansan ang gamit sa drawer makaraan ay nilapitan ko siya.
Pinagmasdan ko ang buo niyang mukha at tila ngayon ko lang napansin ang panlalalalim ng mga mata niya. Nasa mukha niyang may pinoproblema talaga siya.
Umiling ako. "Hindi na. Kasalanan ko naman kung bakit mo ako nasigawan. Sinabihan mo na ako, hindi ako nakinig."
"No. Wala kang kasalanan. You're my wife, I shouldn't be mad at you for going to my office."
Ngumiti ako at hinaplos ang pisngi niya. "Tama na. Hindi na tayo matatapos eh. Basta hindi na masama ang loob ko. P
