"Salamat sa masarap na pagkain, Zeus!" masayang sambit ni Veronica nang matapos silang kumain sa isang mamahaling restaurant.
"Walang ano man. Nga pala, kahit papaano ay gumagaling ka na sa pagbaril. Ipagpatuloy mo 'yan para sa susunod na sumabak ka sa laban, head shot mo ang lahat ng kalaban," nakangising sambit ni Zeus.
Napalunok naman si Veronica. Hindi niya kasi alam kung makakaya niya bang pumatay ng tao. Sa totoo lang ay natatakot pa rin siya. Ayaw niya kasing madungisan ang kaniyang kamay. Pero naisip niya bigla ang namatay niyang kapatid. Pinatay kasi ito ng walang awa. Tinadtad ng bala sa katawan. Kaya naman naisip bigla ni Veronica ang paghihiganting gagawin.
Humanda sa akin ang taong pumatay sa kapatid ko. Papatayin din kita at pahihirapan.
"Veronica?" tawag ni Zeus sa kaniy
