"Boss....may nakuha kaming malinaw linaw na litrato kung sino ang pinuno ng Bullets," saad ng isang tauhan ni Billy.
Kinuha niya ang inabot na brown envelop ng tauhan niya at saka tiningnan ang larawan sa loob no'n. Nanlaki ang mata niya nang makita ang nasa larawan.
"Z-Zeus?" nauutal na banggit niya.
"Bakit po, boss? Kilala mo ba ang lalaking iyan?"
Tumiim bagang si Billy. Sabay kuyom ng kaniyang kamao. Mariin siyang napapikit. Hindi niya akalain na talaga pa lang maghihiganti sa kaniya ang kaniyang pamangkin na si Zeus.
"Si Zeus...siya pala ang boss sa grupong bullets. At talagang pinanindigan niyang maghihiganti siya sa akin. Siya ang pamangkin kong si Zeus. Nakaligtas siya sa pagpatay ko sa kapatid ko, na kaniyang ama. Pinatay ko rin ang kapatid niya at kaniyang ina. Kaya alam ko
