"Oh? Bakit ganiyan ang itsuro mo, Chris? Para kang lantang lata," saad ni Zeus nang makita niyang tila nanghihina si Chris.
Hinawakan ni Chris ang kaniyang noo. Para kasing may pumipintig doon dahil sa sakit ng ulo na kaniyang nararamdaman.
"Halata ba sa mukha ko na hindi ako okay?" saad ni Chris sabay tingin sa salamin ng kaniyang kotse.
Tumango si Zeus. "Oo. Halata sa mata mo at namumula ang mukha mo. May sakit ka ba?"
"Ewan. Baka mayroon na nga. Naulanan kasi ako kagabi. Kaya siguro ganito ako ngayon," sambit ni Chris sabay singhot.
Mahinang tumawa si Zeus. "Tinatablan ka rin pala ng sakit."
Ngumisi si Chris. "Malamang. Eh hindi mo naman ako katulad boss eh. Immortal ka."
Natawa si Zeus. "Ewan ko sa iyo. Sige na. Umuwi ka na lang muna at magpahinga. Sa susunod na lang tayo magkit
