"Boss... bakit parang ang lalim ng iniisip mo?" tanong ni Chris kay Zeus.
Nakatanaw pa si Zeus kay Veronica na abala sa pakikipagsuntukan sa kaharap nitong lalaki. Talaga kasing sinasanay ni Zeus si Veronica sa pakikipaglaban para kung sakaling mapasabak sila, ay alam ni Veronica kung paano niya dedepensahan ang kanyang sarili.
"Naisip ko lang kung kaya ko bang panindigan ang nararamdaman kong ito para kay Veronica. Naisip ko kasi na kung sakaling bigla na lang akong maglalaho dahil ayaw ko siyang madamay, ayoko siyang mapahamak, baka hindi ko naman kayanin. Baka mabaliw naman ako o 'di kaya mawala sa focus dahil iniisip ko siya. Ngayon lang ulit ako nakaramdam ng ganito. Pero may parte sa akin na takot dahil ayaw ko siyang mapahamak. Ayoko siyang masaktan ng dahil sa akin," seryoso at
