China...
Labis na nagkakagulo ang lahat sa loob ng kumpanya ng Liang Shang Company dahil nagpatawag ng urgent meeting ang management. Mula sa kanyang opisina ay malungkot na nakatayo si Aiguo sa tapat ng glass wall habang nakatanaw sa ibaba ng building na mayroong walumpong palapag. Ito ang kumpanya na pag-aari ng kanyang mga magulang na dapat sana ay ipapamana sa kanya ng ama ngunit ngayong araw ay nanganganib na itong mawala sa kanila.
Isang mabigat na buntong hininga ang muli niyang pinakawalan bago inisang lagôk ang lamang alak ng hawak niyang maliit baso. Labis siyang naguguluhan sa mga nangyayari sa kanyang buhay at hindi niya malaman kung paano a-ayusin ang lahat ng problema na kinakaharap ng kanyang pamilya.
Mula sa malayo ay biglang lumitaw ang magandang mukha ng kanyang anak
