Ang Alamat ni Prinsipe Malik
AiTenshi
Part 16: Unang Digmaan
"Umuulan ng palaso! Mag sikubli kayong lahat!!!" ang sigaw ko sabay hatak sa karagatan upang mag silbing bubong at aming pananggalang laban sa mga ito. Makapal ang tubig na ginamit ko upang lumutang lamang dito ang mga palaso kapag tumama sa aming kinalalagyan. Sa kabilang banda ay manghang manha naman ang lahat dahil sa aking ipinamalas na galing at lakas.
Matagumpay kong naprotektahan ang lahat hanggang sa tuluyan silang makasampa sa loob ng barkong pandigma. Noong makasiguradong maayos na ang lahat, saka ko pa lamang ibinagsak ang tubig sa lupa dahilan para maalis ang hamog na nag kukubli sa amin.
Habang unti unting lumilinaw ang kapaligiran, doon ay nakita namin ang libo libong kawal ng palasyo na nakatayo sa
