❀⊱Natalie's POV⊰❀
Pag-uwi namin ay inabutan na namin si Avvi dito sa bahay nila Marcia. Nanunuod lang ito ng tv at kararating lang daw niya dahil kasama daw niya ang kanyang mga kaibigan.
"Hindi ka na ba babalik ng Baguio? Baka kailanganin ka duon nila nanay para may makatulong sila."
Umiling si Avvi at tumingin pa sa akin sabay ngiti niya. Ngumiti lang din ako at naupo na ako sa sofa. Tumingin ako sa orasan kong pambisig at pagkatapos ay kinuha ko ang phone sa loob ng bag ko. Kailangan ko kasing tawagan ang aking kapatid dahil gusto kong makita ang mukha ng aking anak.
"Ate naman, ayaw mo ba akong makasama dito? Alam naman nila nanay na nandito ako sa Manila, saka tapos na naman ang pag-aaral ko at gusto kong magtrabaho dito, ayoko sa Baguio. Gusto ko sanang magtrabaho dito sa Manila
