"Now let's eat," pautos na sambit ni Sir Ismael na akala mo walang ginawang kung ano sa akin.
Napabuga na lang ako ng malalim na hininga saka agarang dinampot sa gilid ng pinggan ang nakalagay roon na kutsara at tinidor. Ngunit bago pa ako makasandok ng kanin ay nagulat ako nang unahan ako ni Sir Ismael na maiangat iyon at maginoo na pinaglagyan ako ng kanin sa aking pinggan. Pati nga rin ilang putahe ng ulam ay pinaglagay niya ako sa gilid ng aking pinggan.
Mariin na napatitig tuloy ako sa mukha ni Sir Ismael. Sinisigurado ko na ang boss ko ang aking kaharap at hindi kung sino na impostor na nagpapanggap lang.
Nakakapanibago naman kasi ang ginagawa niyang pag-aasikaso sa akin na ito. Mula sa apat na taon ko na pagiging sekretarya niya ay hindi ako kailanman nakakita ng affection sa kan
