"OKAY ka lang?" tanong ni Albert na kung ilang beses na yata nitong inulit.
"Huh...? Of course." ilang beses niya na ring sagot.
Kanina pa siya wala sa sarili.
Hindi niya sinunod ang sinabi ni Tyron na kanselahin ang dinner nila ni Albert.
Narito siya ngayon at kumakain ng hapunan kasama ang binata, ngunit wala naman dito ang isip niya.
"Hah... sino ba siya sa akala niya?" maka-ilang ulit niyang kausap sa sarili.
Maaaring may nagawa siyang kasalanan dito, ngunit wala itong karapatang mandohan siya.
Kung may nagawa man siyang kasalanan sa nakalipas, ay ginawa niya iyon para din dito.
"Baby, are you sure, you're okay?" tanong muli ni Albert.
"Okay lang nga ako, ano ka ba? Napagod lang siguro ako, ang daming tao kanina. Malapit na kasi ang pasukan, eh." sagot niya ritong nag-iwas ng
