Nakita niya ang asawa na inilapag ang paperbag sa dining table. Kumuha ito ng mga utensil. Isinalin ang laman ng inorder nito sa isang bowl.
Nang akmang babalik na ito ay muli siyang nahiga at nagtulug-tulugan. Naramdaman niyang naupo si Tristan sa gilid ng kinahihigaan niya, mayamaya pa naramdaman niya na ang marahang pagyugyog nito sa kanya. Ginigising siya!
Lumunok naman siya para pigilin ang malaking ngiti na gustong kumawala sa mga labi niya. Kinikilig siya. Lumolobo ang puso niya sa saya. Kung sa ganitong paraan mararanasan niyang mapalapit kay Tristan hihilingin na niyang magkasakit ng paulit-ulit.
Kahit hindi na ako gumaling... malungkot na naibulong niya sa isp. Alam niyang katangahan ang mag-isip ng ganoon pero kung 'yon ang magiging daan para mapalapit siya kat Tristan at mag
