"Man..." anas nito sabay sandal sa upuan nito. Napapakagat labi habang nakatingin sa kanya. "So--"
"Pero!" putol niya sa sasabihin Dave. "Hindi kami close," aniya. Mahirap na kasi nararamdaman niyang magbabalak itong magpatulong sa kanya.
Lumabi naman ang lalaki. "Bakit naman?" nagtatampong tanong nito.
Bumuntong huninga naman siya. Ayaw man niyang ipaalam dito ang sitwasyon niya pero kailangan. Ayaw niyang magkaroon ito ng ideya na magagamit siya nitong tulay kay Sunny. Malamang na baka isumpa na siya ni Tristan kapag ginawa niya iyon.
Kahit pa... Kahit pa parang napakagandang ideya niyon dahil kung mai-in love sa iba ang kapatid niya baka sakaling makalimutan na ito ni Tristan ng tuluyan.
Natatakot nga lang siyang sumugal. Gusto niyang mapalapit sa asawa kaya umiiwas siya sa mga bag
