Pabalik na siya sa kuwarto niya nang mapadaan siya sa sala at makarinig ng mahinang mga ungol. Napakunot ang noo niya. Nanggagaling ang mga ingit kay Amelie. Binuhay niya ang ilaw sa sala at binalikan si Amelie. Nakatalukbong ito ng kumot. Gusto niya sanang dedmahin ito pero pibipigil siya ng konsensiya niya.
Mas lumapit pa siya kay Amelie, dito nga nanggagaling ang pag-ingit na naririnig niya kanina. Nilapitan niya ito at niyugyog pero umungol lang itong uli. Tinanggal niya ang kumot na nakatalukbong sa asawa.
Asawa... - napailing na lang siya. Two months ago pinaplano na niyang mag-loan para makabili ng lupa at kapag nakaipon ay patatayuan ng bahay. He was planning his future with Sunny. Gusto niyang ito ang maging maybahay niya, kahit alam niyang bata pa naman sila at marami pa itong
