الفصل الثاني

1206 Words

،،،،،،في بيت جني مامت جني دخلت اوضه بنتها وهيا ناويه النهاردة انها تاخد موقف مع بنتها غير كل يوم خلاص لحد كدا كفايه مش هتسكت اكتر من كدا والي خلاها تصمم اكتر علي موقفها انها اول ما دخلت شافت بنتها هدي بتعمل نفس الي بتعمله كل يوم وهيا رايحه الجامعه لبس ضيق ومكياج مغطي وشها كلو لدرجه انو حتي مغطي معالم وشها ومغير تفاصيلها وبرفان فاقع ريحته جايبه لاخر الشارع وعشان كدا مامت هدي وقفت قدام بنتها وقالتلها بعصبيه وامر ،،،،،ايه الي انتي عملتيه دا يا جني حالا تقلعي القرف الي انتي لابساه دا وتخشي الحمام تغسلي وشك دا ،،،،ايه ايه يا ست ماما الدخله دي مابراحه عليا في ايه هوا أنا لوحدي الي كدا ما كل اصحابي البنات بيلبسو كدا وبيحطو مكياج كدا اشمعني بقي انا الي ابقي اقل منهم ،،،،،اقل منهم !!!!!اقل منهم في ايه في المسخره الي انتي عملاها دي هوا احنا مودينك الجامعه تتعلمي ولا تعملي الي بتعمليه دا كل يوم نفس الزفت اللبس والقرف دا وياريت حتي بتنجحي الا كل سنه تشيلي مدتين تلاته ،،،،،يوووووووه بقلك ايه ياماما انا مش فاضيه لمواعظ النهاردة اجليها يوم تاني هه يلا باي جني كانت هتخرج ودا عصب امها منها اكتر وبغضب قربت منها امها وشدت ايديها وبعصبيه قالتلها ،،،،بت انتي انا بقالي كتير صابره عليكي ومستحمله عمايلك وبداري عليكي انما لحد كدا كفايه لو محترمتيش نفسك انا هقول لابوكي ،،،،هههههه ضحكتيني يماما طب متقوليو وانا كمان بالمره اقله انك كل يوم بعد ما هوا مايمشي انتي بتخرجي من وراه ها ياتري بتروحي فين بقي ،،،،،وفي بيت مصطفي مامت مصطفي دخلت اوضه ابنها وقعدت جنبه وهوا نايم وفضلت شويه قبل ما تصحيه تبصله وهيا بتتحسر علي ابنها وانو لولا طلاقها من ابوه كان ،،،،،صباح الخير يا ماما انتي ايه الي مقعدك كدا مامت مصطفي انتبهت من تفكيرها علي صوت ابنها وبسرعه مسحت دموعها وبصتله وهيا بتبتسم وبتقله ،،،،،صباح الخير يا حبيبي ايه اتاخرت النهاردة في النوم سكتت مامت مصطفي شويه وكملت وهيا بتقول بعتاب مستخبي عارفه ابنها ومتعود عليه منها لما يغلط ،،،،،زي ما اتاخرت برا البيت باليل مالك يبني الي حصل حصل الحمد لله مفيش حاجه هتتغير ولا هترجع وكويس انك بقيت احسن من الاول مصطفي رغم زعله من جواه وحزنه الا انه تصميمه يبدء حياه جديده بعد الي حصل خلاه يغير الكلام بسرعه ويقول لامه ،،،،ايه بس يماما انا كويس اهو امبارح اتاخرت برا كنت بذاكر عند واحد صاحبي واديني اهو قومت يا ستي من النوم فين الفطار بقي ،،،،،حالا يا مصطفي هجهزه مامت مصطفي قامت بسرعه عشان تروح تعمل الفطار لابنها وقبل ما تخرج من اوضته بصتله وقالتلو بسرعه ،،،،،اه صح يا مصطفي خالك حمدي كان امبارح هنا وكان عاوزك وفضل مستنيك كتير بس لما اتاخرت قالي ابقي اقلك تفوت عليه في الشغل عنده عشان عاوزك ،،،،يووووه عاوز ايه تاني حاضر يماما حاضر ،،،،،وفي الجامعه قعدت لينا ومعاها ايمن صاحبها يتكلمو ويهزرو ويحكو عن اخر رحله عملوها وازاي انبسطو فيها وعملو دماغ وفضلو كدا يهزرو ولا كانهم قاعدين في جامعه لحد ما حضر صاحبهم معتز الي اول ما شافهم قالهم ،،،،،متجمعين علي شر يا شباب ،،،،،هههه اخر مره سمعتها يا معتز كانو بيقولو متجمعين علي خير ،،،،،احنا الي زينا يا لينا عمرهم ما يتجمعو علي خير ابدا لازم شر عشان الحياة يبقي ليها طعم عندنا ،،،،،طب بقلك ايه بقي يا عم معتز بمناسبه الطعم الي بتتكلم عنه فين الصنف الجديد الي قولتلي عليه في التليفون ،،،،،جاهز يعم ايمن بس مش هيطلع غير لما يجي مصطفي ،،،،،اشمعني يعني !!!!! ،،،،،عشان الصنف دا انا جايبه هعمل بيه حفله ترحيب لمصطفي انتا ناسي هوا غايب عننا بقاله اد ايه ،،،،،اه اخيرا رجع انا مش عارف كان لازم يعني ابوه يخليه يسافر يا تري بقي غصب عليه وخلاه يبطل الصنف ولا ايه ،،،،،اخخ لو مصطفي بجد بطل هنتشلوح كلنا دا كان الوحيد الي فينا بيعرف يفرق بين الصنف الاصلي والمغشوش انا من يوم ما سافر وانا مش عارف اعمل دماغ حلوه ،،،،،،هههه متقلقش يا ايمن زمانه جاي دلوقتي هوا لسا مكلمني ،،،،لينا امال جني وحنين فين ،،،،،بقلك ايه يا سي معتز متقلبش دماغي جني بتاعتك معاك رقمها كلمها وجني كلها شويه وتيجي سكتت لينا شويه وهيا شايفه ادام عنيها حاجه لفتت نظرها اوي و زي كل مره صممت انها تاخدها عشان كدا بصت لصحابها ايمن ومعتز وقالتلهم ،،،،بقلكم ايه يا شباب معلش بقي عندي مصلحه كدا هروح اقضيها واجيلكم تكون الشله كملت ،،،،،،الله يسهلو يعم متتاخريش بس عشان مصطفي قرب يجي ،،،،،ماشي يا ايمن مش هتاخر ،،،،،وفي بيت حنين والد حنين بص لبنته بقرف وهيا خارجه قدامه عشان تروح الجامعه وبكل حده وقسوة قالها ،،،،،حنين!!!!! حنين ارتعشت من صوت باباها ووقفت بسرعه اول ما سمعت صوته وبتوتر بصتله وقالتلو ،،،،،نعم يبابا ،،،،،انتي ايه الي انتي عملاه دا يا حنين انتي مش شايفه أن بلوزتك دي قصيره اوي ،،،،ببببس يبابا البلوزه دي انتا الي كنت شاريهالي ،،،،انتا !!!!! ،،،،،اسفه اسفه يبابا قصدي حضرتك ،،،،،ايوا كدا انظبطي يحنين بدل ما اظبطك وافكرك بعلق زمان وخدي بالك لاخر مره اشوفك واقفه مع البت ساره جارتنا ،،،،،بس يبابا دي بنت محترمه وكانت بتسلم عليا وانتا عارف ابوها و ،،،،،حنين كلامي ما يتكررش الي اقوله تنفذيه انا عارف ابوها معرفهاش هيا ومش كل يوم هفكرك بو**تك ومصيبتك الي عملتيها في ثانوي ،،،،،يبابا حرام انا كنت صغيره وعرفت أن الي عملته غلط وندمت و ،،،،،غوري من وشي يبت بدل ما اطلع غلبي فيكي يلا واياكي تتااخري فاهمه ،،،،،فاهمه!!!!فاهمه يبابا ،،،،،وفي بيت جني مامت جني انصدمت من كلام بنتها وفجاءه حست أن عمرها كلو راح قدام عنيها لا جوزها بيقدرها ولا عيالها بيحترموها وبضعف وقله حيله بصت ابنتها وقالتلها ،،،،،وياتري بروح فين يا جني !!!!هتقولي لابوكي ايه ،،،،شوفي انتي بقي يماما لما بابا المهندس العظيم يعرف أن مرانه بتروح تخدم في البيوت هيعمل فيكي ايه ،،،،مش هيعمل اكتر من الي بتعمليه فيا يبنتي عارفه يا جني لولا خدمه البيوت دي كان زمانك انتي واخواتك جعانين ابوكي المهندس العظيم دا بيستخسر يصرف عليكم و ،،،،،بقلك ايه يماما انا مش كل يوم هقعد اسمع الموال دا واكيد بعد الكلمتين دول هتخشي في فقره انا لو مت هتتبهدلو بعدي وتشوفو الزل موتي انتي بس يماما وملكيش دعوه هنبقي زي الفل جني قالت الكلمتين دول لمامتها وسابتها وخرجت عشان تروح جامعتها اما مامت جني فمن كتر وجعها من بنتها معرفتش ترد باي حاجه غير انها تقول ،،،،،اهديها يارب ومتاذنيش فيها مامت جني كانت مش عارفه تلوم مين علي الي هيا فيه ابوها الي جوزها عشان يخلص من مصاريفها وحملها ولا اخوتها الي انشغلو بحايتهم ونسيوها ولا جوزها الي معتبرها مش اكتر من خدامه ولا ولادها الي ناكرين جميلها حست مامت جني بوجع في قلبها خلها غصب عنها تقعد علي سرير بنتها تدعيلها من خوفها عليها ،،،،،وفي الجامعه ايمن ومعتز كانو قاعدين وبرغم انعم كانو بيتكلموا ويهزرو وهما مستنين بقيه الشله ايمن كان شكله متضايق عشان كدا معتز قاله ،،،،،مالك يا ايمن بقالي فتره حاسس انك متغير ومش عاجبني ،،،،،زهقت يا معتز زهقت وبقيت حاسس بالذنب ،،،،،زهقت من ايه يعم ايمن وكمان حاسس بالذنب لا كدا كتير متقول في ايه ،،،،،حنين ،،،،،مالها حنين اوعي تقولي الحوار القديم المهروس بتاع افلام السيما ابوها عاوز يجوزها ،،،،،يا معتز بطل طريقه انا كل ما افتكر هيا كانت مؤدبه ازاي وان انا الي جريتها للسكه دي بعد ما سلطت عليها لينا وجني ،،،،،،مالها يبني السكه الي احنا فيها وبعدين ريح نفسك منتا عارف أن لينا كانت هتموت وتخلي حنين تخش الشله غيره بنات بقي وعموما حنين مش صغيره وعارفه مصلحتها هوا مصطفي اتاخر كدا ايه ياتري مصطفي هيجي أمتي ولينا راحت فين وحنين هتعمل ايه وجني ليه بقت كدا مع مامتها وايمن ومعتز ايه حكايتهم كل دا واكتر هنعرفه سوا الحلقه الجايه

Free reading for new users

Scan code to download app

App Store Google Play

Facebookexpand_more