“Mabuti na lang at day-off ko,” natutuwang wika ni Angelo kay Dennise na kasabay niya ngayong naglalakad sa malawak at sikat na park dito sa Maynila.
“Bakit ba kasi biglaan kang mag-aya na mamasyal?” tanong pa nito.
Bigla kasi siyang tinawagan nito kaninang umaga at nag-aaya na mamasyal ngayong hapon. Mabuti na lamang at wala naman na siyang masydong gagawin sa bahay kaya ito, sumama na lang siya.
Napatingin si Dennise kay Angelo. Tipid na napangiti.
“Wala lang. Gusto lang kitang makasamang mamasyal. Saka, may gusto kasi akong itanong sayo.”
Kumunot ang noo at nagkasalubong ang kilay ni Angelo dahil sa pagtataka lalo na sa huling mga sinabi ni Dennise.
“May gusto kang itanong sa akin? Ano iyon?” nagtatakang tanong ni Angelo. Pamaya-maya ay bigla itong napangiti. “Ahhhh! Baka itata
