"THANK you so much for coming with me today, Kuya Enrique," puno ng sinseridad kong pagpapasalamat.
Tumango siya nang hindi nag-aalis ng tingin sa daan. Abala siya sa pagmamaneho ng kotse niya.
"No worries, Belle. I'm also curious about the Montealegre's project here in Antipolo."
Hindi ko na tinugon ang sinabi niya. Tanging ngiti na lang ang iginanti ko sa kanya.
Ngayong araw ay isinama ko siya sa pagpunta sa Antipolo para sa isang event. Ngayon na kasi opisyal na bubuksan ang mga pabahay ng mga Montealegre para sa mga taong nasunugan noon. Kahit si Tito Alejandro ay sa akin na ito hinabilin.
Sa totoo lang, wala sa isipan ko ang isama si Kuya Enrique rito. We're not that close. Pero nang magkita kami noong isang araw sa hotel, bigla ko na lang naisipang isama siya. Siguro ay dahil ko
