البارت الحادي عشر
خرجت هبه بره وكانت عماله تلف في البيت عشان مش عارفه تقول لمامتها ايه اوتفاتحها في الموضوع ازاي . علا : مالك يا هبه عماله تلفي ورايحه جايه انتى عاوزه تقولي لي حاجه ولا ايه .
هبه : لا ابدا يا ماما ما فيش حاجه هاقولها .
علا : ازاي يا بنتي ما فيش هو انت مش شايفه نفسك ولا ايه انا عارفاكى كويس انتى بنتي انا عارفه ان في حاجه عاوزه تقوليها لي بس مش عارفه تقولي لي ازاي اتكلمي يا هبه انا سامعاكى .
هبه : بصراحه يا ماما انا كنت باتكلم مع اسامه في الموضوع بتاع القايمه ده ولقيته بيقول لي ان العيله بتاعتهم مش بيكتبوا قايمه عشان مش بيعترفوا بيها وما فيش اي حد عندهم في العيله كلها كتب قايمه خالص وهو بيقول لي انه مش هيقدر يا فاتح اهله فى موضوع زي ده .
علا : ايه اللي انتى بتقوليه ده يا هبه كده العيله دي ما تدخل داخله غلط علينا وانا عمري ما هجوزك من غير قايمه لازم يا بنتي نحفظ حقك عشان
