البارت الثامن عشر
هبه سابتهم وعملت نفسها انها طالعه على بيتها عشان ترتاح شويه واول لما اطمنت ان هم قفلوا الباب راحت طالعه على شقه سلمى وخبطت عليها .
سلمى : كانت مستغربه جدا وقعدت تقولي يا ترى مين اللي جاء دلوقتى معقوله اسعد طلع بالسرعه دي فتحت الباب وما كنتش متوقعه ان هبه هي اللي بتخبط عليها .
سلمى : خير يا هبه في حاجه ولا ايه هو حد عاوزني تحت .
هبه : لا يا سلمى انا جايه عشان اتكلم معاكى شويه . سلمى : انتى عارفه لو عرفوا ان احنا مع بعض دلوقتي هيعملوا فينا ايه .
هبه : ما تقلقيش خالص انا قلت لهم اني طالعه ارتاح شويه وهم اقفلوا الباب انا تاكدت انتى هتفضلي سايباني واقفه بره كده ولا ايه .
سلمى : تعالى تفضلي دخلت سلمى عند هبه و بصيت على شقتها لقيتها شقه بسيطه خالص ما فيهاش اي حاجه يعتبر عفش بسيط و شقه حماتها احسن من شقتها بكثير .
سلمى : مالك يا هبه مستغربه كده ليه اكيد الشقه مش عاجباكى .
