"Good evening!"
Ikiniling ko ang ulo habang pinagmamasdan ang guwapong-guwapong si Ric.
Sabado na ng gabi. Pasado alas otso na yata at ngayong gabi iyong date na ipinilit n'ya sa akin noong nakaraan. Oo, ipinilit talaga dahil sinabi n'yang kung tatanggihan ko s'ya ay baka um-order na raw s'ya ng mga halaman at bulaklak maging sa Visayas at Mindanao.
I know Ric, puwede namang sinabi lang n'ya iyon at hindi gagawin pero alam ko ring maaari n'ya ngang gawin iyon. Kakaiba pa naman ngayon ang topak ng isang ito!
In short, wala akong choice.
"Good evening din," ganting bati ko.
Ngumisi si Ric. Gamit ang mga daliri ay pinasadahan n'ya ang kanyang buhok. Kung dati ay nangingintab iyon dahil sa pomada na gawa-gawa ko lang naman, ngayon ay literal na may silky hair na nga ang poging ito!
"H
