ZIA SAN FILIPE’S POINT OF VIEW
“Okay ka lang?” Napatingin ako kay Norman at kita ko sa mga mata niya ang pag-aalala para sa akin. Ngumiti ako ng tipid sa kanya at tumango.
“Oo naman. Sanay na ako sa mga ganoong tao,” sabi ko at binuksan ang cupboard para kunin ang three-in-one instant coffee na binili niya para sa akin.
“I’m really sorry sa nangyari kagabi. If I know na hindi lang pala bastang dinner ang pupuntahan natin ay hindi na sana tayo tumuloy,” sabi niya sa akin.
“Ano ka ba? Ako nga dapat mag-sorry dahil sa akin ay nagkakatampuhan kayo ng nanay mo. Don’t worry sa susunod hindi na ako sasama sa inyo,” I said at naupo na sa dining table. Hinipan ko ang bagong timpla kong kape. Sumasayaw sa hangin ang usok nito. Hindi naman nab ago sa akin ang ganoong eksena katulad kagabi. Sanay
