ZIA SAN FILIPE’S POINT OF VIEW
Sa totoo lang ay hindi ko alam kung papaano ko sasagutin ang tanong ni Monique. Okay lang ba na sabihin kong dancer ako sa club at nakasiping ni Norman nang hindi niya ako hinuhusgahan? Alam naman natin, nasa lipunang ito—ang mga katulad kong nagtatrabaho sa club ay mababa ang tingin sa amin. Kaya nga kaming binansagang mga Magdalena, mga babaeng mababa ang lipad, mga babaeng nagbebenta ng laman. Papaano ko sasabihin ang tungkol sa pagkatao ko ng hindi ako makakatanggap ng panghuhusga? Dapat bang magsinungaling ako? Pero ano nga ba ang makukuha ko kung magsisinungaling ako?
“Naku, pagpasensyahan mo na ako Zia. ‘Wag mo na lang pansinin ang tanong ko,” biglang sabi niya at binuksan ang isang cupcake na kinuha namin kanina sa cupboard. Bahagya akong natawa sa
