┈┈┈┈◦•✩•◦┈┈┈┈
"Ano ang nangyayari dito?"
Lahat ay napatingin kay Carl ng bigla itong magsalita ng malakas na halos sumigaw na. Nakatitig siya kay Lyka na nakapasan sa likuran ni Harvey. Bababa na sana si Lyka pero pinigilan ito ni Harvey at mas hinigpitan pa niya ang pagkakakapit ng kanyang mga kamay sa magkabilang hita ng dalaga.
"Ikaw, ano ang ginagawa mo dito?" ani ni Marcus sa binata.
Naglabanan sila ng titig ni Carl ngunit hindi naman nagpapatinag si Marcus. Humakbang pa ito ng ilang hakbang upang mas mapalapit pa siya kay Carl.
"Nandito ako dahil kay Lyka. Gusto kong malaman kung ano ang nangyayari dito?" wika ni Carl kay Marcus at hindi ito nagpapakita ng kahit na anong takot.
"Ano naman sayo kung ano man ang nangyayari dito?" sagot ni Marcus na hindi inaalis ang mga mata sa
