┈┈┈┈◦•✩•◦┈┈┈┈
Katulad nga ng plano nila. Sabay-sabay na umalis ang tatlong helicopter at ang apat na van na kulay itim. Si Lyka naman kasama si Janine at ang tatlong assassins ni Orion ay sakay ng mga motor. Si Harvey naman ay kasama nila Marcus na nakasakay sa helicopter. Kanya-kanya na ng pagharurot ng kanilang mga sasakyan upang magtungo na sila sa underground ng Dark Immortal.
Naghiwa-hiwalay sila paglabas nila ng malaking lupain ng Dux estate upang mailigaw kung sino man ang mga taong sumusubaybay sa bawat kilos ni Harvey. Si Lyka ay mabilis na nagpapatakbo ng motor. panay din ang tingin niya sa side mirror upang tignan kung may sumusunod sa kanya. Wala na siyang nakita na kahit na anong sasakyan sa likuran niya. isa pa ay wala din siyang nararamdaman na nakasunod upang sundan siya.
