┈┈┈┈◦•✩•◦┈┈┈┈
Mahigit isang linggo na rin ang lumilipas mula ng gabing may hinabol si Lyka sa Batangas. Mula nuon ay hindi na nagparamdam pa ang taong nagmamanman sa kanya kaya kahit papaano ay nakaramdam siya ng kapanatagan sa kanyang puso. Malaya na ring nagpupunta ang mga anak niya sa bahay ng kanyang mga magulang kahit na nandito siya sa Manila. Maging si Indoy ay walang napapansin na kahit na ano sa lugar nila.
Habang naglilinis si Lyka ng kanyang condo unit ay panay naman ang ilaw ng kanyang phone. Hindi niya ito pinapansin dahil busy pa siya at wala siyang balak na umalis o gumala ngayong araw. Isa pa ay kauuwi lamang niya kanina dahil sa misyon nila ni Janine. Kung tutuusin ay wala pa nga siyang maayos na tulog. Nakaidlip lang siya ng isang oras at nagising din naman agad siya da
