❀⊱Lyka's POV⊰❀
Gusto kong sumigaw. Gusto kong sumbatan ng sumbatan si Harvey pero para saan pa? Gusto kong paniwalaan ang mga sinabi niya sa akin pero ayaw ng isipan at ng puso ko. Aaminin ko na habang yakap niya ako kanina ay ramdam na ramdam ng puso ko ang pagmamahal ko sa kanya, pero bakit hindi ko siya magawang paniwalaan? Ano ba ang sinasabi niya tungkol sa pagkatao ko? Bakit wala akong alam tungkol sa sinasabi niyang 'yon? Naguguluhan ako, pakiramdam ko ay may mga bagay sa pagkatao ko ang hindi ko alam. Kanina habang nakikipag-usap sa akin si Harvey, bakit kailangan akong magpanggap na may kausap ako sa phone? May nagmamanman ba sa kanya? Hindi ko na alam kung ano ang iisipin ko. Hindi ko na alam kung sino ang paniniwalaan ko. Naguguluhan na ako. Sabi ni Marcus ay paniwalaan ko ang
