┈┈┈┈◦•✩•◦┈┈┈┈
Habang naghihintay sila sa pagdating nila Harvey ay hindi naman mapakali si Lyka. Maya't maya ay tumitingin din siya sa kanyang orasang pambisig na tila ba gusto na niyang pahintuin ang oras.
"Bff para kang lagari. Pabalik-balik lang ang ginagawa mo sa iisang direksyon. Kumalma ka nga at baka maihi ka pa diyan sa sobrang nerbyos mo," wika ni Joy na natatawa sa kanyang kaibigan.
"Kinakabahan ako. Sa totoo lang ay parang gusto ko ng umalis ngayon at ibalik ang mga bata sa Batangas," sagot ni Lyka na naiiyak na naman.
"Ano ka ba! Para kang ewan. Nandito na 'yan at papunta na sila dito. Mas mabuting malaman ng mga Dux ang tungkol sa kambal mo. Ayaw mo bang maging masaya ang mga anak mo? Ayaw mo ba na may kilalaning ama ang kambal? Dapat hindi tayo maging selfish pagdating sa
