الفصل الخامس

3252 Words

يشرق يوم جديد علي ابطالنا معلنا بدء مرحله جديده في حياتهم، تتسم بالامل والتفاؤل، لتنهض نور بكل نشاط، لتأخذ حمامها وتؤدي فرضها وتدعي ربها ان يقرب بينها وبين حبيبها، ثم تدلف لتقوم بتجهيز الفطور لايهاب، فتجد سالي تجهزه فتحدثها مردده.. نور بابتسامه تقول لها،،،، - صباح الخير يا سالي سالي تنظر لها وعلي وجهها ابتسامة، تقول،،، - صباح النور يا انسه نور نور بضيق،، - بلاش انسه دي قولي نور على طول سالي باحراج ترد،،، - يافندم مينفعش لازم احافظ علي الالقاب نورتقترب منها وتضع يديها علي كتفيها ثم تقول،،، - ياستي انا اللي بقولك كده، ويالا بقي عشان عايزة احضر الفطار بأيدي النهاردة وكل يوم سالي بتعجب تقول،،، - معقول يافندم حضرتك استريحي وانا هجهز كل حاجة نور باعتراض،، - لا ياستي انا هرتاح كده، انا عشت عمري كله ياسالي احلم باللحظة دي ان ايهاب ياكل من ايدي واقدمله الاكل واشوف علي وشه الفرح اني بقدمله الاكل، عايزة تحرميني بقي من احساسي ده، لا يمكن يالا وريني كده اللي موجود وسبيني ابدع سالي بنظرة عطف عليها تقول،،، - للدرجه دي انتي... ولم تستطع التكمله نور بحب،،، - ايوه كمليها متت**فيش لاني مش بت**ف منها يا سالي ابدا، انا بعشقه، ونفسي يجي اليوم اللي يحس بعشقي ده سالي بذهول،، - ياااه للدرجه دي، ربنا يسعدك يانور، بس مهمتك مش سهله، استاذ إيهاب مش سهل وله تجارب كتير نور تترك ما بيديها وتنظر لها مردده،،، عارفه ياسالي، انا درسته كويس اوي، تحبي اقولك يعرف كام واحده، واسماءهم، وارقام تليفوناتهم كمان، انا عشت بس حياتي عشان ادرس ووصل للمركز اللي فيه، واني اعرف كل كبيره وصغيرة عن ايهاب #عذبني حبگ بقلم إيمووو كمال سالي تنظر لها بدهشه وتعجب،،، لكنها دعت لها في نفسها ان يوفقها المولي لما تتمناه، لانها شعرت بحبها، وصدق حديثها، فليس من الصعب عليها وهي في قرابة العقد الخامس ان تفهم وتحس بعشق امراة مثلها.... وبعد فترة من الوقت انتهت نور من انجاز كل شئ، فتحدث متردده نور تنظر لها ثم تقول،، - كده كل حاجه جاهزة، انا هطلع اصحي إيهاب عقبال ما اجهز له حمامه تكوني انتي حطتي الاطباق علي السفرة بس بعد شويه وتركتها نور قبل ان تجيبها، لتصعد الي غرفته، فطرقت عده مرات على الباب، فلم يجيبها، فدخلت وجهزت حمامه، وقامت بفتح الستائر، حتي يدخل ضوء الشمس لينور عيونه، ويشعر إنها بجانبه، فيستيقظ ايهاب مناديا علي سالي ويأمرها بغلق الستائر، ليتفاجأ بسماع صوتها مردده،، نور بنظرة حب تقول له : يالا قوم يا**لان كفايه نوم لحد كده، صباح الفل والياسمين على احلى عيون إيهاب يفرك في عينيه : صباح الخير يا نور، انتي صاحيه بدري ليه كده نور ببتسامه مشرقه تقول،، - انا صاحيه من بدري عشان اجهزلك الفطار، والحمام، واصحيك عشان نفطر، ولا انت هتسبني جعانه كده ايهاب ينظر لها بتعجب ثم يقول،،، - كل ده عملتيه كده، تعبتي نفسك ليه نور تقترب منه وتهمس له بحب مردده،،، - اولا مفيش تعب، ثانيا ده في نطاق شغلي، وانت شغلي الشاغل يا استاذ، يالا بقي الحمام جاهز، خد الشور عقبال ما احضرك اللبس اللي هتلبسه، عشان عندنا معاد مع منسق الحفلات هنتفق معاه على حفله مهمه ايهاب ينهض من علي فراشه ويقول،، - حاضر ياستي عشر دقايق وهتلاقيني قصادك نور تتوجه الي الديسنج روم لتختار له بدله شيك مناسبه لحضور المقا**ه، ثم تختار كل مايلزمها، فتختار نوع من البرفيوم، كانت تعشقه، فتختاره له، فتحاول ان تنعم برائحتة، واذا بها تتفاجأ بمن يضع يده علي كتفها، بلمسه منه جعلت كل مشاعرها تضطرب وجسدها اصبح كجمرة نار، فتفزع قائله،، - خضتني يا ايهاب حرام عليك، في حد يدخل كده من غير ما يتنحنح ولا يعمل صوت ايهاب يفخر بنفسه انه له تاثير عليها، فيرد قائلا،،، - اولا انا خرجت ملقتكيش في الغرفه قولت نزلتي دخلت البس، لاقيتك واقفه سرحانه وبتشمي في البرفيوم، بس بقولك بتعملي ايه نور برتباك : انا كنت بختار لك نوع برفيوم حلو إيهاب بمشا**ه : واخترتي وريني كده اخترتي اي نوع، - فيقترب منها اكثر، واكثر، ويتناول منها العطر وينثر منه علي جسده، فتكاد ان تفقد وعيها من شده تاثيره عليها، فقد كان نوع مميزا، تعلمه هي، فقد اشترته ذات مره حين كانت برحله لباريس، واعجبها، وتمنت ان تعطيه لمعشوقها، فكم من الليالي كانت تضعه وتحلم به، تستنشق رائحته وتتخيله امام عينها وبين يديها، بل في احضانها،، لتفوق وهو يهمس لها في اذنها،،، - للدرجه دي عجبك البرفيوم لترد وهي مازالت غير واعيه لما تقول،، جدا جدا، يا ما حلمت باللحظه دي، اشتريته مخصوص ليك، وكل يوم اشمها وتخيلك امامي زي كده إيهاب بتعجب : اشترتيه منين؟ انا بجيبه من باريس نور بنظره هيام،، - كنت في رحله عمل، وكنت بشتري برفانات ليا، وبالصدفه شميته وعجبني، وعرفت بعد كده انه نوعك المفضل إيهاب بدهشه بعدم تصديق : معقول حتي نوع البرفان عارفاه، للدرجه دي انتي عرفاني نور بنظره تحدي وفخر،، - واكتر من الدرجه دي، وفوق ما عقلك يتخيل، انا عشت عمري كله ادرسك واعرفك وافهمك من بعيد لبيعد، عشان لما تيجي اللحظه دي اكون عارفه كل حاجه عنك. تنظر له نور بعيون لامعه مليئه بالحب والعشق، فتلاحظ اقترابه منها اكثر، فتشعر بانها محاطه من قبله ولا تجد اي منفذ للهروب منه، واصبحت في حاله لا يرسي لها دقات قلبها في تزايد يكاد ان يقفز من بين اضلعها، تحس ان صوته يسمعه بوضوح، الا**جين قل في المكان، تنفست بصعوبه جدا وقالت،، -ايهاب لو سمحت عايزة اخرج مينفعش تقرب كده، بعد اذنك ايهاب ببرود محاولا غيظها يقول،،، - طب ما تمشي هو انا ماسكك نور بتأفف تقول،،، - امشي ازاي وانت محاوطني من كل اتجاه ايهاب يزداد من تقربه اكثر منها لتستمتع بانفاسه التي تأثر عليها،، - وعايزة تمشي ليه، مش انتي بتقولي بتحبي قربي نور بنظرة عشق ترد عليه،، - انا مش بحب قربك بس، انا بعشقه ايهاب بترجي يقول،، - طب خليكي، ومتبعديش، عني نور بثقه،،، - هخليني لما تكون انت حاسس بيه، وعايزة وبتتمناه زي واكتر، مش لمجرد اني انا اللي عايزاه. وتركته بسرعه بدون اي رد منه لتدلف الي اسفل منتظراه، حتي يتم من ارتداء ملابسه، وهو يفكر في مجنونته، التي قلبت حياتة، ويتعجب لها من كميه المشاعر التي تكنها في قلبها له، فيشعر بانه برغبه في امتلاك كل هذا الحب، ولا احد غيره، فنور اصبحت من ممتلكات إيهاب عمر، ولن يسمح لاحد الاقتراب منها، ثم دلف اليها، وتناولوا الفطور، لاول مره له فحادثته سالي... - صباح الخير يا أستاذ ايهاب إيهاب بابتسامه يرد : صباح الخير يا سالي، اية كل الاكل ده سالي تنظر لنور مردده،، - والله نور هانم هي اللي اصرت انها تحضر لك الفطور من بدري إيهاب ينظر لها باعجاب ويقول،،، - يعني زي ما انتي قولتي، انا افتكرتك بتضحكي عليا يانور نور بغيظ لعدم تصديقه لها؛ نور مش بتعرف تكدب يا ايهاب ابدا، واضحه وصريحه، يارب يعجبك إيهاب ياكل ب**ت ولا يعرف لماذا حاول مضايقتها، ربما ليتعرفها اكتر ويعرف طبعها، ويري الجانب الاخر من شخصيتها، لا يعلم، ولكن كل الذي يعلمه جيدا هو انه اصبح يحب وجودها بجانبه، واستمر في تناول الفطور بنفس شهيه، ثم انتهي من تداوله وابدي لها الشكر والثناء عليه... - تسلم ايد*ك يانور علي الفطار الحلو ده، النهاردة اول يوم افطر وبنفس كده، تعبتي نفسك نور بفرحة؛ بألف هنا وشفا، سعيدة انه عجبك، ومفيش تعب ولا حاجة، انت متتخيلش سعادتي اد ايه اني بعمل حاجه بأديا وانت بتاكلها، ده كان حلم حياتي إيهاب بنظرة اعجاب يحاول يداريها، فيهرب من محاصرتها له بعينيها، فيقول،، - معادنا دلوقتي مش كده ولا اتاخرنا نور تنظر له طويلا تستوعب هروبه منها لتخبرة ان لديهم بعض الوقت وينصرفوا، وتصعد بغرفتها لتبدل ثيابها، ويتوجهون الي معادهم،، واثناء سيرهم تقطع نور ال**ت... - ممكن اطلب منك طلب ايهاب بنظرة تأكيد يقول : بكل تاكيد نور بنبرة ترجي تقول : لو سمحت ياريت اللي حصل إمبارح ميتكررش إيهاب بنظرة عدم فهم يقول،،، - هو ايه اللي حصل إمبارح انا مش فاكر حاجه خالص نور بضيق : شربك يا ايهاب ايهاب بحده وغضب يقول،،، وماله بقي شربي انتي هتتدخلي كمان اشرب ايه ومشربش ايه، مش كفايه امبارح علي الغداء منعتي الشطة، كده كتير يانور،، كتير اوي نور متظاهرة الهدوء تنظر له وتقول،،، اولا انا مش بحب اعيد كلامي اكتر من مرة، وانا بمنعك عن الشطه لانها غلط جدا عليك وهتأثر علي صوتك، ومش لازم افكرك كل شويه ان في اتفاق بينا، ياسيدي استحملني الفترة اللي قولنا عليها وبطلهم فيها، ثانيا بقي ودي الاهم انت مضايق اوي ليه عشان بقولك بلاش خمره، سيبك من انها مضره وغلط جدا واضرارها كتير علي صحه الانسان، يكفي ان ربنا حرمها وانها من المحرمات، ده مش سبب كافي اننا منشربهاش، اعتقد رضا ربنا كفايه، ولا ايه يا استاذ إيهاب صامت ومستمع لحديثها، ولا يوجد عنده رد، حتي يقنعها به، فهو يعلم جيدا انها محقه فيما تقول، ولكن انها عاده سيئه اكتسبها، وعليه ان يتخذ القرار بالاقلاع عنها... - تمام يانور حاضر هحاول اقلل من الشرب اوعدك نور بحده : تبطل مش تقلل إيهاب باعتراض؛ نور بس نور : هااا مفيش بس فيها اوعدك يانور ايهاب بخضوع؛ اوعدك يا نوري نور تتعجب جدا من منادته لها باسم نوري فتحاول ان تتأكد منه.. - انت قولت اية، نوري اول مرة تقولها وتقولي نوري إيهاب بنظرة اعجاب يقول،، - ومش هتبقي اخر مره، انتي فعلا نوري اللي نور حياتي كلها يانور نور بفرحه : ايهاب انا مش عارفه اقولك ايه إيهاب مستمتع بنظرة حبها يقول،،، - متقوليش حاجه يانور، عيونك بتقول كل حاجه من غير ما تتكلم ت**ت نور، وبداخلها حاسه كأنها مثل العصفور الطائر في سماء الحب بحريه، ولا تستطيع ان تجاوب باي كلمه، فتركت احساسها لعنان السماء،، فتفوق عند وصولهم الي عملهم، فيدلفوا سويا للمقابلة، وتستمر المقا**ه يتشاورون في كل الامور، ثم يمضون عقد الحفله المتفق عليها، ثم يتوجهوا الي الفيلا بعد يوم عمل... فتصعد نور الي غرفتها لترتاح بعد الوقت، فتقوم بالاتصال باسرتها للاطمئنان عليهم كعادتها، ثم تنتهي من المكالمه، لتاخذ حمامها، ثم تصلي فرضها، وتحاول ان تخلد لبعض الوقت،، يجلس ايهاب في غرفة مكتبه، يفكر في نور، وكيف تحاول ان تغير منه للافضل بدون اي مصلحه، فهي تنصحه لوجه الله، وتريد ان تجده دائما في احسن حال، لينتبه علي صوت هاتفه ليجده صديقه فارس -الو ازيك ياهوبا ايهاب : ازيك يا ابو الفوارس فارس بضيق،، يا ابني قولتلك الف مره انا معنديش عيال ومش هتجوز، ولا ناوي اتجوز عشان ابقي ابو الفوارس دي ايهاب بضحكه شديده قال،،، ياسيدي شاور انت بس وانا اخطبلك بس انت ناقي فارس يحاول اختباره: والله لو هشاور فإيه رايك في الموزه اللي كانت معاك إمبارح، صاااروخ ارض جوي، ورقيقه اوووي ايهاب بحده وضيق،،،، - بقولك ايه يافارس، كله الا نور اوعي تقرب منها، نور خط احمر يافارس، عندك بنات مصر كلها، لكن نور لا انت سامعني فارس بهدوء : خلاص ياعم اهدي انا بس كنت عايز اتأكد من حاجة وخلاص انت اكدتهالي إيهاب مستفهما،، حاجة ايه دي؟ فارس ببرود يرد،، متشغلس بالك دي حاجه بس في نفسي وانا فهمتها، المهم هشوفك النهاردة هتسهر معايا إيهاب بحيرة يقول،،، - مش عارف لما تنزل نور هسألها، لو ليها مزاج هقولك فارس يضحك بصوت عالي، ثم يقول،،، - اوووبا يا باشا هي نور اللي هتقرر تسهر ولا لاء من امتي يا هوبا إيهاب بتبرير يرد عليه،، - مش مديره اعمالي وعارفه مواعيدي ايه، فاضي ولا مش فاضي، انت شكلك فاضي وانا مش فايقلك، يالا سلام ينتهي من محادثه صديقه، ليطلب من سالي ان تصنع له كوب من القهوه لشعوره بصداع فجأه، من كثرة التفكير، لتمر دقائق وتضعها سالي، ثم تنصرف في هدوء، ينتاول قهوته وهو يسال نفسه سؤال يترددفي ذهنه،، -انا ليه مبطلتش تفكير في نور من وقت ما سبتني وطلعت ترتاح شويه، كل كلامها بيرن في اذني، وجهها، ضحكتها، كل كلمه قالتها في بالي، ليه حاسس بفراغ كبير وهي مش جنبي، وبكون سعيد، وهي جنبي، ومش عايز اسبها،، يا نهاري يا واد يا هوبا لتكون طبيت وت**بي يانور الرهان،، لا مش ممكن ابدا، مش ايهاب اللي تهزمه امرأة ابدا، انا لازم احط حدود بينا، لازم امنع تفكير فيها، نور بقت خطر عليا وانا لابد اني امن نفسي كويس،،،ليفوق علي صوت طرق الباب، ويجدها نور بهلتها المعتاده، تدخل عليه، فيحاول ان لا يظهر لها اي اهتمام... - في حاجة يانور، انتي ملحقتيش تريحي، نور بسحر عيونها تقول : حاولت انام معرفتش قولت انزل، ونسهر شويه مع بعض ايهاب مدعي الهروب واللامبالاه انا مليش مزاج اسهر هطلع انام، عشان ورانا بكرة تسجيل اَغاني الالبوم الجديد نور معترضه وقالت برقة،،،، المعاد متأخر بعدالعصر، يعني ممكن نسهر شويه، ولا انت مش عايز تسهر معايا،، ايهاب بستسلام لها وبدون تردد قال،،، خلاص ماشي نسهر، تحبي تسهر في البيت، ولا نخرج، فارس لسه مكلمني يسال ان كنا هنسهر ومعاه ولا لأ نور متسائله،، وانت قولتله ايه؟ إيهاب ينظر في عينيها ثم يقول،،، - قولتله هسأل نور تحب ايه؟ نور بفرحه من جوابه رددت بسرعه - حبيبي ياهوبا إيهاب اتفاجأ؛ قولتي ايه! نور بنظرة حب وعشق،، -بقولك حبيبي ياهوبا إيهاب ببتسامه : انا حبيبك بجد نور تقترب منه وتهمس له مردده،،، - انت مش حبيبي وبس انت نور عيني، وروحي، وقلبي كمان ايهاب بتوسل وبنبره هامسه،،،، ارحميني يانور، انا مش حمل كل الضغوط دي عليا يابنت الناس نور بنفس نبره العشق تقول،،، - اي ضغوط بتتكلم عنها، انا عملت حاجه لسه، هيجي اليوم اللي هتحس بيه باحساسي ياهوبا، اني اكون بين اد*ك ومش قادر تملكني بين احضانك، ويومها ابقي افتكر كلامي ده، يالا بينا عشان نسهر، ايه رايك نسهر في الجنينه وتشغل ميوزيك هاديه ايهاب بسرحان في اخر كلامتها : زي ما تحبي وبتجهون الي حديقة الفيلا، ويستمتعون بالموسيقي الهاديه، ليتحدث مطالبها بالرقص معه - تحبي ترقصي شوية نور تنهض ممسكه يده وتقول،، مفيش مانع إيهاب ناظرا في عيونها،،، "نوري" نور بهيام : نعم إيهاب بنظرة اعجاب يقول : علي فكره انتي بترقصي حلو اوي نور ب**وف تقول،،، ميرسي، بس مش ده اللي كنت هتقوله، تراجعت ليه، خايف تعترف انك ابتديت تتشد ليا إيهاب بتعجب : وعرفتي ازاي اني مكنتش هقول كده! نور تنظر بعيونه مردده،،، - من نظره عينك ياهوبا، عينك اللي بتقول كلام كتير، بتحاول تتداريه، ليه بس، افتح قلبك ليا، وعمرك ما هتندم، ليه بتخبي وبتكابر، غرورك مش عايز تعترف ليه ايهاب بنظره تعجب يقول،،، انتي ازاي عرفاني كده، انا فعلا مكنتش هقول كده نور تنظر اليه وعلي وجهها ابتسامه ساحره، ثم تقول،،، طب بصراحه كده كنت هتقول ايه؟ ايهاب ينظر لعيونها باعجاب شديد،، - بصراحه بصراحه، كنت هقولك، عينك حلوه اوووي يانور، فيها سحر غير طبيعي، بتشدني ليها، بدون اي مجهود منك نور بحب تقول،، عشان صادقين، الحب ظاهر فيهم، بدون اي نفاق، ولا تزيف إيهاب يقترب اكثر ويضمها اليه في حنيه، وهي ناسيه معه اي شيء مستمعه فقط برقصتها التي تمنت انها لا تنتهي لتنعم بين يده اكثر وقت ممكن، لتضمه اكثر واضعه يديها حول عنقه وراسها علي ص*ره، يا له من احساس لا يوصف، كم تمنيت ياقلبي هذه اللحظه لو ثانيه، وها هو حبيبي بين يدي وفي احضاني، ويستمر بيهم الوضع كما هما فاقدين الزمن، فترفع نور وجها ناظره لعيونه التي تسحرها، فتجده لاول مره تلمح بهما نظرة حب، فلا يتحمل نظرتها له فيجد نفسه مشدود بفاعل المغناطيس له،متأمل شفتيها ويريد افتراسها ويلتهمها بشغف، فيقترب منها في محاوله لتقبيلها، حتي يروي شغفه، فيجد نور واضعه يديها علي شفتاه مردده في حنو ونظرة بها شوق وعشق له،، - لا يا ايهاب مش هسمح ابدا بيها وانت تحت تاثير اللحظه والضعف، عايزة يوم ما تكون اول مره بينا، تكون بصفه رسميه بينا، تكون امام ربنا قبل الناس، تكون وانت بتحبي وبتعشقني، مش مجرد اعجاب، انا مستحيل ابدا اضعف بسبب حبي ليك، اه بتمني قربك وحبك لكن، والدي وافق اني اجي واعيش هنا وهو واثق فيا وفي تصرفاتي، وانا مستحيل ابدا اخون ثقته فيا، الحب يا ايهاب عمره ما كان قبلات، واحضان، الحب تصرفات، واهتمام، واحترام وموده بين اثنين، ربنا بيجعلها في قلوب الاحباب والمتجوزين عشان يكملوا حياتهم بدون ملل، عن إذنك، انا طالعه استريح، بكره عندنا شغل كتير، وفي فرحين مفروض هتحيهم لازم تنام عشان تكون فايق، هصحيك بدري عشان تلحق تعمل بروفات،... تصبح علي الجنة ونعيمها يقف ايهاب صامت لا يقدر علي الرد، متعجبا منها جدا، فكيف لفتاة مثلها ترفض قبلته، مع العلم بمدي معرفته بعشقه، لمجرد انها تخاف ربنا، وتحافظ علي ثقة والدها لها،، ياااه كل يوم بيمر بكتشفك اكثر يا نور.. - ياتري هوصل معاكي لفين يانور، يارب اهديني للخير، انام ازاي أنا دلوقتي ربنا يسامحك يانور شكلي هتعب معاكي اوي ، انا ايهاب اللي دوخ بنات مصر، طلع اللي يدوخه ويسهره الليل كمان " باك" نور : كفاية كده يا دكتور من فضلك، احنا طولنا اوي النهاردة وانا تعبت معلش نكمل الجلسه بكره هادي ينظر لها في حنو يقول،،، - كفايه يانور انتي حكيتي كتير النهاردة، ارتاحي انتي وحاولي تنامي شوية، وانا هفرغ شرايط امبارح والنهاردة، وابقي ارجع اطمن عليكى، نور بالحق انتي مواظبه علي العلاج اللي كاتبه ولا مش بتاخديه في مواعيده، انا موصي الممرضه تدهوله بمواعيد مظبوطة نور اومات راسها بنعم،، - باخده يا دكتور متقلقش، الممرضه بتيجي تدهوني، انا باخده مخصوص عشان عايزة اخف وارجع لحياتي تاني، بابا وماما وحشوني اووي هادي : مفيش حد تاني وحشك نور بحزن : لأ مفيش خالص اللي راح مش بيرجع تاني يادكتور هادي بحزن : مادام في صوتك حزن كده، يبقي لسه يانور، علي العموم مش وقته، اسيبك انا دلوقتي واشوفك بعدين، مع السلامه نور؛ مع السلامة يا دكتور شردت نور تفكر فيما قاله طبيبها وسألت نفسها سؤالا هل حقاً مشتاقه اليه بعد كل ما حدث منه، ام انها تشعر بالحنين فقط لذكري ايام جميله قضيتها بجانبه، وكانت اجابتها بأنها حركت برأسها بالنفي مردده بصوت مرتفع قليلا قائله بنبره حزن والم ،،، لأ مش ممكن تشتاق ولا تحن ياقلبي، اوعي تضعف تاني وتسلم، اوعي تفكر فيه،... ده اللي باعك وخانك اعز حبيب، اخدت ايه من حبه غير الالم والعذاب... كنتي فرحانه يانور بحبه وقربه... كنتي سعيده وانتي بتسمعي احلي كلمات الحب، وبعد كل ده سقاكي مرار الايام....اخدتي ايه من جنونك وتهورك غير الغدر والقسوة... وادي النتيجه بقيت حبيسه جدران غرفه في مصحه للأمراض النفسيه والعصبيه... هو ده اللي وصلتيله يانور، فوقي من وهم حب طفولتك، فوقي انتي غلطتي وده نتيجه غلطتك..... واستمرت نور تأنب نفسها وتجلدها بأصعب الكلمات، لتذكر قلبها بخداعه، وتعطيه القوى وال**ود حتي لا يضعف ولا يشتاق اليه مره اخري تركها هادي وتوجه الي مكتبه سارحا في حديثه معها غير منتبه للشخص الذي امامه، فصتدم به فوقع ما بيده علي الارض، فإذا به يرفع راسه فيجدها نسمه تنظر له بحب وخجل وتقول بنبره هادئه خ*فت قلبه مردده،،، آسفه يادكتور ماخدتش بالي هادي يلمم اوراقه ومتعلقاته، وينظر لها ويقول،،، مفيش داعي للأسف، انا اللي كنت ماشي سرحان واتخبطت فيكي، انا اللي مفروض اعتذر نسمه تساعده في التقاط اوراقه، وتلامست يديها بيده فنظرت له بكل حب ثم نهضت وقالت،،، اتفضل الورق، عن اذن حضرتك، وهربت مسرعه الي مكتبها، ولم تلاحظ ما شاهد الموقف وقف هادي ينظر لها بحب، فقد تأكد من مشاعره الآن ولم ينتبه للشخص الواقف خلفه ينظر له قائلا،،، ايه يادكتره هتفضل واقف كده سرحان كتير، شكلك بقي مش حلو خالص هادي يلتفت للصوت فيجده معتز، فيرمقه بنظره غضب ويرد عليه مرددا،،، انا بس مش عارف انت بتطلعلي منين يامعتز، هو انت حد مسلطك عليا يا اخي معتز ينظر له مبتسما، واضعا يده علي قلبه مردد،،، قلبي هو اللي سلطني عليك ياعم الحبيب هادي يض*به بخفه علي ص*ره ويقول له،،،، اكتم هتفضحني تعالي ندخل المكتب، ده انت لما تصدق معتز ممسك بيده ويتوجهون الي المكتب، ثم يجلس علي الاريكه واضعا قدما علي الاخري ثم يقول له،،، ها احكي بقي ايه اللي انا شوفته ده بقي، البنت شكلها واقعه لشوشتها يادكتره هادي ينظر له نظره حيره ثم يقول،،، مش عارف يا معتز احدد موقفي، انا منكرش اعجابي بيها، بس خايف متوافقش هي واهلها عشان يعني السن، واني ارمل وكده معتز ينظر له ويقترب منه ويقول بحب،،، ليه بتقول كده ياحبيبي انت الف من تتمناك، وانت مش كبير اوي والفرق بالتفاهم بين اي اثنين بيكون مش مشكله، وانا شايف ان نسمه بتبادلك المشاعر واضح جدا، اتشجع وكلمها ومضيعش عمرك في الحيره دي، خد قرار وموقف وعيش حياتك اللي ضاعت منك هادي بنظره حزن يقول،،، تفتكر من حقي اعيش يامعتز بعد العمر ده معتز بحب يقول،،، انت طيب وحنين اوي ياهادي بلاش تظلم نفسك، فكر بهدوء وربنا يهد*ك الصح، هسيبك انا بقي عشان اشوف اللي ورايا، وانت حاول تاخد قرار هادي ينظر له ويقول،،، حاضر يامعتز، ربنا يفعل الصالح، هقوم افرغ الشرايط عشان اسلمها لدكتور منير وينصرف معتز وينهض هادي بفكره المشغول يفرغ الاشرطه، وباله لا يتوقف عن التفكير في نسمته التي خ*فت قلبه من جديد، فاستمر في العمل حتي انه لم ينتبه لموعد الانصراف، فقد طال وقت عمله، ولم ينتهي فقرر الانصراف وتكملته غدا، عازما بداخله ان يقرر مفاتحه نسمه بما يكنه لها

Free reading for new users

Scan code to download app

App Store Google Play

Facebookexpand_more