Papalapit pa lang kami ni Adam sa may tindahan kung saan kami bibili ay natanaw na agad namin ang tatlong lalaki na nakatambay doon kung saan ay napansin ko na agad na parang nakatingin sila sa may gawi namin. In all fairness, may mga itsura naman sila kahit papaano-- mas angat nga lang ‘yung lalaking nasa gitna na nakaupo sa may upuan mismo noong tindhan dahil siya ‘yung kaputian sa kanilang tatlo. Kulay dark brown din ang buhok niya, mukhang natural brown ‘yon habang ‘yung dalawang kasama naman niya ay moreno at itim na itim ang mga buhok. He was wearing an orange t-shirt, Infanta ‘yung tatak noon.
At dahil nakatingin din ako sa kanilang tatlo, lalo na doon sa lalaking nasa gitna… hindi nakaligtas sa paningin ko ang pag bato niya muna nang tingin kay Adam bago niya ibinaling ang paningi
