Hinipan ko ng malakas ang nakaharang na buhok sa mukha ko habang matalim pa rin ang tingin na ibinabato ko sa pintuan ng bahay na pinaglabasan ni Apollo. Halos hindi ko nga namalayan na nasa harapan ko pa rin si Adam at noong nagsalita lang siya ay doon pa lang ako natauhan.
“Lagot na naman ako kay Mama, tiyak na magsusumbong talaga si kuya mamaya.” Narinig ko pa ang pagbuntong hininga na ginawa ni Adam at saka siya napasandal sa sofa na kaniyang pinagkakaupuan. Bakas ang pag aalala at pangamba sa kaniya ng mga sandaling ‘yon. Hindi ko inaasahan na babatuhan niya ako nang tingin kaya naman medyo nabigla pa ako agad na nagtama ang mga mata namin. “Pasensiyan na Bashyang, minsan kasi wala talagang preno itong bibig ko eh... kung ano-ano tuloy ang nasasabi ko sa ‘yo.” Paghingi niya nang pau
