"Red, tungkol ba ito kay Sky?" seryoso kong tanong sa kaniya. Tumango siya sa akin at halatang desidido na ito sa sasabihin.
Nasa loob kami ngayon ng library room ng bahay nila at kanina ko pa hinahanap ang kapatid na sinasabi niya at ang mga magulang niya pero wala akong makita.
"Inamin niya na ba sa 'yo ang totoo?" Tango lang ang naging tugon ko.
"Pati ba ang lahat ng dahilan kung bakit ikaw ang pinagbibintangan niya?" mausisa niyang tanong kaya nagsisimula na akong kabahan. Hindi rin ako makasagot dahil hindi ko alam kung ano ang isasagot ko sa kaniya.
"Nasabi niya ba sa 'yo na si Misty ang bumangga sa 'yo?" Nanlaki ang mga mata ko sa gulat at umiling ako bago ako nagpatuloy sa pakikinig sa kaniya.
"May sakit si Sky, at hindi niya kayang mabuhay ng walang babae sa buhay niya. Kahi
