Kasalukuyan kaming naglalakad palabas ng hospital ni Nelia habang masayang nagkukwentuhan. Maraming ibinilin sa akin ang doctor dahil kailangan ko raw mag-exercise at mag-diet para hindi ako mahirapan sa pagpapanganak. Lalong lalo na ang vitamins namin ni baby para maging malusog kami pareho.
"Tiny, sayang naman kasi excited pa naman akong malaman kung ano ang kasarian ni baby. Babae kaya o lalaki?" nasasabik niyang tanong sa akin at nakikita ko sa kan'yang mukha ang labis na tuwa.
"Ako rin." Natatawa ko siyang tiningnan bago nagpatuloy sa pagsasalita. "Pwede naman kahit maliit pa si baby kaso mas gusto kong magpa-ultra sound kung kasama ko si Sky," paliwanag ko at inaya na siyang sumakay sa kotse.
Nang makita kami ng driver sa malayo ay sinalubong niya kami ni Nelia ng payong kahit n
