Inihiga ko ang pagod kong katawan sa extra single bed na magiging pansamantalang tulugan ko. Sumunod naman sa akin si Sapphire, at saka naupo sa paanan ng kamang kinahihigaan ko.
Mula sa pagdalaw nila sa akin sa bahay namin sa San Clemente ay sumama na ako sa kanila papunta dito sa Manila.
“Okay ka lang ba talaga dito sa penthouse ni baklang Ricky?”
Hindi ko na nasagot si Sapphire, dahil naunahan ako ni Ricky.
“Oy, babaeng maldita. Hindi ko gusto ang tabas ng dila mo, ha. Ano’ng akala mo sa akin? May gagawing masama kay Jazz? Uy… harmless itong mujer na ‘to, excuse me?” sagot ni Ricky kay Sapphire.
"Harmless yourself!" nakairap pang sagot ni Sapphire kay Ricky.
"Talaga!" mataray namang sagot sa kanya ni Ricky.
“Hoy! Kayong dalawa talaga… lagi na lang kayong nagbabangayan. If I
