“Mayroon na lang tayong isang linggo, Ruthyst,” wika ni Ocinth.
Isa hanggang dalawang linggo lang ang ibinigay na palugit ni Parsua upang madala sa Infelicis si Zeuter. Hindi pa nila nasasabi sa lalaki ang tunay na pakay. Masyado silang nagulat sa naging epekto ng pagkikita nina Zeuter at Ruthyst.
“Paano na natin makakausap ang lalaki kung parehas naman silang sasakitan ng dibdib?”
“Pwedeng tayo na lang muna ang mangombinsi sa kan’ya, Moonchrys,” ani Raci.
Tama, mas maganda kung iyon na lang muna ang gagawin nila. Kung hindi pa nila kakausapin si Zeuter ay baka maging huli na ang lahat. Ang aparuah sa kalangitan ay mas lumalaki na. Hindi na kakayanin ng kanilang kapangyarihan kapag iyon na mismo ang bumagsak sa mundo nila.
“Siguro kahit limang minuto lang ay makapag-usap kami. Lahat
