“Zeuter, anak,” niyugyog ni Zeria ang kaniyang anak upang magising.
Kanina pa niya hinihintay na makauwi si Zeuter. Tumawag ang faculty staff ng school na papasukan ng dalawang magkaibigan at sinabing hindi na bumalik pa ang dalawa para makuha ang result ng exam. Ilang oras siyang naghintay sa labas ng bahay ngunit malapit nang lumalim ang gabi ay wala pa rin ang kaniyang anak.
Tatawag na sana siya sa sibil upang sabihing nawawala ang kaniyang anak ngunit narinig niya ang sunod-sunod na tahol ng aso ni Zeuter. Mag-isa lang ito sa bahay nila kaya mabilis siyang pumasok at nagpunta sa kwarto ni Zeuter.
Ang anak niya ay nakahiga na pala sa sariling kama at mahimbing na natutulog. Kung paanong nakauwi si Zeuter nang hindi niya nalalaman ay wala siyang ideya. Hindi naman siya umalis ng bahay
