Hinawakan ni Zeuter ang palapulsuhan ni Eucarise. Napaigtad naman ang dalaga sa naramamdang kakaibang init sa kamay ng binata. Hindi naman nakakapaso ngunit hindi normal para sa isang tao.
“Dito muna tayo,” ani Zeuter nang makarating sa bilihan ng mga damit.
“Ano’ng gagawin natin dito?”
Hindi sumagot si Zeuter. Naghanap lang ito ng damit na kakasiya kay Eucarise. Habang namimili ay naisip niya ang kasamang apat na lalaki ni Eucarise. Siguradong kung hindi nagpapalit ng damit ang babae ay sila rin. Dadalhan na lang siguro niya ng kaniyang mga damit. Hindi na sasapat ang dala niyang pera kung bibilhan niya pa ang apat.
“Kasiya naman na sa ‘yo, to. Gusto mo ba?” Alanganing tanong ni Zeuter.
Kakaiba kung magdamit ang lima. Parang nasa isang digmaan kaya pansinin talaga ng iba. Mabuti
