NAKITA kong mahimbing na natutulog si Orion. Eksaktong tumunog ang phone ko at nakita ko ang name ni Angelica. Sinagot ko iyon at bumaba na muna sa kama, umupo ako sa may sulok. Alam niyang nasa nagta-trabaho ako bilang nanny ng anak ng isang businessman at hindi ko sinabing nagpapanggap ako ng asawa nito.
“Besh! Namiss kita! Kumusta na dʼyan, ha? Hindi ka pa pʼwedeng lumabas?” saad niya sa akin habang malaki ang ngiti.
“Um, wala pa nga akong day-off, Besh!” sabi ko na lamang sa kanya.
“Ganoʼn ba? Try mo kayang magpaalam kahit kalahating araw ka lang sa labas, ano? Tinawagan kasi ako ni ate Angie iyong kasambahay niyo, tinatapon na raw ang mga gamit mo sa bahay niyo! Gagawin daw ng kapatid mong malandi na entertainment room ang dating kʼwarto mo. Then, iyong ibang gamit mo ay tinabi n
