“Orion... Gusto mo bang mag-swimming party tayo today?” nakangiting pagtanong ko sa kanya.
Bumanat ang kanyang labi habang nakatingin siya sa akin. “Swimming pawty po, mommy? We can po?” pagtatanong niya sa akin.
Ngumiti ako sa kanya. “Of course, Orion! We can! Magpaalam lang tayo kay Mister Ukyo! Lalo naʼt anong oras pa lamang. Gusto mo ba?” pagtatanong ko sa kanya.
Nakita ko ang sunod-sunod niyang pagtango sa akin. “Yes, mommy, gusto ko po! Gusto ko po ng swimming pawty! Letʼs go to daddy na po, mommy!” malakas niyang sabi sa akin at nauna na nga siyang tumayo sa akin.
Wala na rin akong nagawa kung ʼdi tumayo na rin sa kinauupuan ko. Hinawakan ko ang kanang kamay ni Orion at lumakad kami pa-akyat.
“Mommy, paano ʼpag ayaw ni daddy? Anong agagawin natin, mommy?” tanong niya sa akin
